BAMAD GALICIA

Inicio » 2017 » Marzo

Monthly Archives: Marzo 2017

Máis alá dos estantes, con Bea Campos

Obradoiro de mediación lectora para bibliotecarios no XVIII Salón do Libro Infantil e Xuvenil de Pontevedra

O mundo que queremos”, esta é a temática do XVIII Salón do Libro Infantil e Xuvenil de Pontevedra, exitoso evento entorno á literatura infantil e xuvenil que se leva celebrando dende 1999 na cidade do Lérez. E nese mundo que queremos, as bibliotecas e o seu persoal pensamos debemos ocupar un importante lugar.

De novo este ano a través da asociación BAMAD Galicia, os bibliotecarios e bibliotecarias tivemos ocasión de formar parte deste importante evento relacionado coa LIX, a través dunha actividade ben axeitada para a nosa profesión.

Na edición anterior do Salón, BAMAD achegounos as primeiras estratexias de animación lectora, coa profesora e especialista en literatura infantil Alexia Dotras, e o seu obradoiro Imos cazar un oso. Daquel ano traballaramos fundamentalmente co álbum ilustrado, e desenvolvimos estratexias de comunicación e narración en público.

O obradoiro deste ano foi chamado Máis alá dos estantes, e foi realizado pola coñecida actriz, contadora e recopiladora da tradición oral, Beatriz Campos. Bea Campos conta cunha longa experiencia de traballo nas bibliotecas, e sabe do que falamos e o que precisamos nas bibliotecas que traballamos coa LIX.

Bea foi quen de xuntar diversión (a raudais) con contidos moi axeitados e completos. A xornada comezou cunha recopilación de ideas raras e xeniais de animación lectora de diferentes bibliotecas polo mundo, e coa oportunidade de que cada un dos participantes do curso puderamos achegar algunha na que tiveramos participado.

A continuación fixemos un rápido pero ben atinado repaso polo conto tradicional, diferenciándoo do libro de hábitos e do álbum ilustrado, todos eles ben axeitados para contar en público, pero que requiren diferentes estratexias.

A nosa profesora da actividade recomendounos encarecidamente a páxina web de Orella Pendella, onde se recopilan multitude de ditos, recitados ou cancións infantís tradicionais. Un material que, sen dúbida, os bibliotecarios/as estamos chamados a mimar e conservar.

Tras toda esta introdución teórica, o tempo pasárasenos voando, e veu o momento de visitar o Salón, onde poderiamos recoller multitude de ideas temáticas, creativas e didácticas que nos poderán servir para as bibliotecas.

Gustounos o espazo de cooperación (abofé que cooperamos!), o da diversidade e, como non, o recuncho adicado á relaxación e a afectividade (quedamos coma novos!). Ademáis, aproveitamos a ocasión para saudar a Orbil, a famosa mascota lobeira do Salón do Libro.

Na sesión da tarde practicamos con aspectos como a expresión corporal, a voz e a improvisación, para finalmente…

aínda que non queriamos…

Finalmente estabamos todos contando contos.

Estabamos encantados!

Foi, en opinión de todos os participantes, unha actividade divertida, motivadora e moi completa, que nos aportou unha visión moito máis ampla e máis atinada sobre a literatura infantil e sobre o noso papel como mediadores culturais.

Agardamos poder repetir en futuros anos, pois sobre a LIX hai moito que aprender. Agradecemos enormemente a oportunidade que nos brinda o Salón do Libro Infantil de Pontevedra, ao que lle desexamos moitos anos máis de éxitos na animación á lectura. E felicitamos a Bea Campos por ser unha mestra e condutora da actividade tan intensa, motivadora e xenial.

Ata a próxima!

Por María José Villar Fernández

Biblioteca de Chapela-Redondela

Coordinadora do obradoiro

Advertisements

Abril 2017, mes do libro

Abril, mes do Libro

En Abril celebramos dúas datas importantes para as bibliotecas o Día do Libro infantil e Xuvenil, o 2 de Abril, e o Día do Libro, 23 de Abril.

O Día do Libro Infantil e Xuvenil é fomentado polo IBBY (International Board on Books for Young People) e levado aos distintos territorios polas organización do libro infantil e xuvenil. No caso Galego a actividade é fomentada por Gálix e cada ano o IBBY encárgalle o manifesto e a ilustración a unha das organizacións nacionais que forman parte da organización. Este ano o Manifesto e a a ilustración foron realizados pola organización rusa: texto de Sergey Makhotin e ilustración de Mikhail Fedorov.

No blogue de Gálix informan de como se sumar a esta iniciativa desde a Biblioteca e outras entidades.

Cartel e Folleto

 

A OEPLI e GÁLIX organizan o Concurso Andersen Hoxe para bibliotecas, librarías e Centros Escolares no que se pode participar até o 2 de Abril.

 

Actividades nas Bibliotecas Galegas (en contrución):

 

Ames: Biblioteca Municipal

  • até o 2 de abril Concurso Andersen Hoxe
  • 5 e 6 de abril: Contacontos: Comechíns, segundo prato, ás 18h. (de 3 a 8 anos)
  • 19 e 20 de abril: Mergullámonos, ás 18h. (de 3 a 8 anos)
  • 23 de abril: Festa das letras: de 17 a 20h. na Praza do Concello de Bertamiráns: contacontos, música, solta de libros, intercambio de libros, rincón da lectura, presentación de libros, premios literarios…

 

Corcubión: Biblioteca Municipal

  • 20 de abril: Parco Cerdeira (Pakolas): “As parábolas de Pakolas” ás 15:30 h.
  • 22 de abril: Libros Libres, agasallo de libros da Deputación da Coruña na Praza de Castelao ás 12h.

 

A Coruña: Biblioteca Pública Miguel González Garcés

 

Lugo: Biblioteca da UNED

  • Semana do Día do Libro 2017: Concurso Scrabble: o valor de escribir ben ten como obxectivo xeral convidar aos seus participantes a celebrar o Día do Libro mediante o tradicional xogo de mesa Scrabble. Con esta actividade virtual e presencial preténdese salientar a importancia da lectura como axente potenciador da boa expresión e escritura, todo iso a través do uso das novas tecnoloxías, o Dicionario e a promoción da lingua galega e castelá.

 

Lugo: Biblioteca Pública

  • 27 de marzo a 30 de abril: Exposición de obras en madeira de Anxo Lamas
  • 1 a 30 de abril: Exposición: Libros para ver: fácsímiles
  • 1 de abril: Día das Artes Galegas: Obradoiro Coñecendo a Maruja Mallo, ás 12h. (de 4 a 12 anos)
  • 7 de abril: Manifesto Medremos co Libro, ás 18h.
  • 7 de abril: O Cociñeiro Martiño con Iago López, ás 18,15h. (de 4 a 12 anos)
  • 21 de abril: Lola Lunares con Erica González, ás 18h. (de 4 a 12 anos)
  • 24 e 25 de abril: Obradoiro de Escrita Creativa con Ana Carreira, ás 18,30h.
  • 24 de abril: Visitas guiadas ás 12 e 19h.
  • 24 de abril: Agasallo de marcapáxinas para todos os préstamos realizados
  • 25 de abril: Sorteo de lotes de libros
  • 28 de abril: Avións de papel con Ramiro Neira, ás 18h.

Programa completo

 

Oleiros: Rede de Bibliotecas Municipais

Día internacional do Libro infantil e xuvenil

Biblioteca Central Rialeda. Perillo:

  • 30 de marzo: Contacontos: Unha granxa diferente, con Soledad Felloza, 18,30h.  (1 a 3 anos)
  • 6 de abril: Contacontos Mans, con Pablísimo, 18, 30h. (a partir de 4 anos)

Biblioteca Municipal Rosalía de Castro. Santa Cruz:

  • 29 de marzo: Contacontos Onde está a risa de Lúa?, con Charo Pita, 18,30h.  (1 a 3 anos)
  • 5 de abril: Obradoiro Arte nos libros: Luís Seoane, por Crearte (a partir dos 7 anos)

Biblioteca Municipal María José Trincado. Mera:

  • 7 de abril: Obradoiro de Maxia con Chrystyan Magic , 17.30h. (a partir dos 7 anos)

Biblioteca Municipal María José Ruso. Dorneda:

  • 3 de abril: Contacontos Este queixo queixolán, con Pavís Pavós, 18,30h.  (1 a 3 anos)

Biblioteca Municipal Ánxel Fole. Nós:

  • 31 de marzo: Contacontos Contos para toda a catizumba, con Paula Carballeira, 18,30h.  (a partir de 4 anos)

Biblioteca Municipal Manuel María. Oleiros:

  • 4 de abril: Contacontos Contos paranen@s trastes, con Marisa Irimia, 18,30h.  (a partir de 4 anos)

Biblioteca Municipal Xograr Mendiño. Lorbé:

  • 6 de abril: Contacontos O ratiño presumido, con Lilí Gruyére da compañía Trinke Trinke, 18,30h.  (a partir de 4 anos)

Outras actividades: exposicións, obradoiros, visitas escolares… Programa completo do Día do Libro Infantil en Oleiros

Día internacional do Libro

Biblioteca Central Rialeda. Perillo:

  • 20 de abril: Obradoiro de Marcapáxinas, coa Asociación Participa para a Inclusión Social, 18,30h. (8 a 12 anos)
  • 27 de abril: Contacontos Amodiño, con Ramiro Neira, 18, 30h. (1 a 3 anos)

Biblioteca Municipal Rosalía de Castro. Santa Cruz:

  • 19 de abril: Contacontos Xa chego, con Soledad Felloza, 18,30h. (1 a 3 anos)
  • 26 de abril: Contacontos Contos para ler entre liñas, con Caxoto, 18.30h. (a partir de 4 anos)

Biblioteca Municipal María José Trincado. Mera:

  • 21 de abril:Contacontos Os ratiños da caixa, polo rato Fuco da compañía Trinke Trinke, 18,30h.  (a partir dos 4 anos)

Biblioteca Municipal María José Ruso. Dorneda:

  • 24 de abril: Obradoiro de Maxia con Chrystyan Magic , 17.30h. (a partir dos 7 anos)

Biblioteca Municipal Ánxel Fole. Nós:

  • 21 de abril: Contacontos Boa navegación, capitán!, con Marisa Irimia, 18.30h. (a partir dos 4 anos)

Biblioteca Municipal Manuel María. Oleiros:

  • 18 de abril: Contacontos Viaxe a África, con Lilí Gruyére da compañía Trinke Trinke, 18,30h.  (a partir de 4 anos)

Biblioteca Municipal Xograr Mendiño. Lorbé:

  • 20 de abril: Contacontos Historias encontradas, con Pavís Pavós, 18,30h.  (a partir de 4 anos)

Outras actividades: exposicións, obradoiros, visitas escolares… Programa completo do Día do Libro nas bibliotecas de Oleiros

 

Redondela: Bibliotecas Municipais

  • 3 de abril: Contacontos na Biblioteca de Chapela O curral de Cocoricó, con Charo Pita, 18h. (de 0 a 3 anos)

 

Rianxo: Biblioteca Pública Municipal Castelao

  • 1 de abril:  contacontos e obradoiro A galiña dos ovos de conto, ás 12h. (maiores de 3 anos)

 

Santiago de Compostela: Biblioteca da Fundación Granell

  • 19 e 20 de abril: Libro por libro, intercambio de libros duplicados da Biblioteca: “Alguén ten un libro que ti queres, alguén quere o libro que ti tes
  • 21 de abri: Bookcrossing na Granell, a Fundación Eugenio Granell, unirase a outros centros e museos de todo o mundo nunha experiencia de bookcrossing coordinados polo Museo ARTIUM de Vitoria-Gasteiz. O Día do libro pretendemos ateigar de libros de arte as rúas de cada unha das cidades que participan nesta actividade.

 

Santiago de Compostela: Biblioteca José Saramago

  • 30 de marzo: O mundo da dobraxe, ás 18,15h. no CSC das Fontiñas
  • 5 de abril: Obradoiro de ilustración, ás 18,30h. con Xosé Tomás no   CSC das Fontiñas
  • 7 de abril: Biotecnólogos na Biblioteca, ás 18,30h. no CSC das Fontiñas
  • 19 de abril: Brinca vai! De aquí e acolá con Paco Nogueiras, ás 18,30h. no CSC de Vite
  • 28 de abril: As historias de Kamishibai, ás 18,30h. no CSC de Conxo

 

Santiago de Compostela: Biblioteca Pública Ánxel Casal

  • 1 de abril: lectura do  Manifesto e contacontos “O círculo máxico dos contos” con Marisa Irimia, ás 12h.
  • 3 de abril: espectáculo musical Brinca vai! de aquí e acolá con Paco Nogueiras, ás 18.30h.
  • 1 a 30 de abril: Mostra bibliográfica de Hans Christian Andersen

Programa completo

  • 17 a 24 de abril: campaña de liberación de libros
  • 24 e 25 de abril: sorteo de libros entre os usuarios que leven libros en préstamo o día 24
  • 24 de abril: Un libro para cada lector ou lectora: recomendámoche un libro, recomendacións de lecturas realizadas polo persoal bibliotecario.
  • 24 de abril: Visita guiada á biblioteca, ás 12h.
  • 27 de abril: espectáculo de poesía Pendanca e Oso con Aldaolao, ás 19,30h. para público adulto.
  • 24 de abril: iniico do VII Concurso de Carteis do Día das Letras Galegas

Programa completo

 

Sanxenxo: Rede de Bibliotecas Municipais

  • 20 de Abril: Contacontos Os Comechíns con Alba Bermúdez, ás 18.30 na Biblioteca de Sanxenxo
  • 22 de abril: Sábados lectores: Contos doces de 11,30 a 13h. na Biblioteca de Portonovo
  • 25 de abril: Calendario de Contos con Sole Felloza, ás 17,30h. na Biblioteca de Portonovo.
  • 26 de abril: Estrafalaria, con Atenea García, ás 18h. na Biblioteca de Vilalonga
  • 29 de abril: Sábados lectores: Contos doces de 11,30 a 13h. na Biblioteca de Vilalonga

 

O Saviñao: Biblioteca Municipal

  • Concurso “Andersen hoxe” organizado pola OEPLI e Gáliz, coas Bibliotecas escolares
  • 3 de abril: Lectura do manifesto Día do Libro Infantil e Xuvenil
  • 7 de abril: Obradoiro de tiras cómicas e viñetas a cargo de Hermanager para incentivar a participación nos certames de debuxo e narración que se organizan na biblioteca.
  • Máis información

 

Sober: Biblioteca Municipal

  • Celebración do Día do Libro Infantil participando no Certame “Andersen hoxe“, en colaboracion con OEPLI e GÁLIX.
  • Exposición de contos de Andersen
  • 7, 21, 22 de abril : “A volta ó mundo en 80 libros” , mapamundi que levará por autores e países seguindo a ruta marcada por Jules Verne. Esta actividade trata de facer participar a todos os usuarios da biblioteca, nenos e maiores, que particip dos mércores.
  • Exposición bibliográfica sobre Jules Verne.
  • V mercadillo de libros
  • Bookcrossing: liberamos libros no parque infantil.
  • Un libro un agasallo: durante a máñá todos os que se acheguen a biblioteca poden levar un libro como agasallo.
  • 28 de abril : concerto de solistas da Escola Municipal de Música de Sober.

 

Vigo: Biblioteca Universitaria

  • 25-27 de abril: Libros Salvavidas: acción solidaria de recollida e venda de libros para axudar os refuxiados sirios

 

Xermade: Biblioteca Municipal

  • 6 de abril:
    • A Titiricleta con Anxo Moure, ás 18h.
    • Entrega de premios do Certame de Poesía infantil
    • Lectura do Manifesto Medremos co Libro
    • Concurso Anderse Hoxe (até 30 de marzo)
  • 20 de abril: A escena contos: Obraodiro creativo ás 17,30h.

Memoria Actividades Bamad Galicia 2016

Presentación da Memoria de actividades 2016 de Bamad Galicia

memoriabamad_2016

Preme na imaxe para acceder ao contido completo da Memoria de actividades

Memoria anual de actividades da Asociación de profesionais dos Arquivos, Bibliotecas, Museos e Centros de Documentación de Galicia, Bamad Galicia, correspondente ao ano 2016. Dámos conta da situación actual en canto á estrutura organizativa, actividades realizadas e ao programa de formación levado a cabo na Asociación.

Como en anos anteriores, os eixos de traballo foron: a defensa das nosas profesións, a realización de actividades formativas e o contacto coas persoas asociadas. No ano 2016 consolidamos a presenza da nova marca da Asociación, recuperando o coñecemento social e o número de lectores e seguidores dos nosos medios sociais e conseguindo recoñecemento e difusión de algunhas das nosas actividades nos medios de comunicación.

Ante a defensa das nosas profesións seguimos mantendo contacto coas administracións, solicitamos e asistimos a reunións, presentamos alegacións a textos legais e a plans estratéxicos, e intentamos responder as demandas das persoas asociadas cando nos comunicades algunha actuación das administracións contraria aos nosos intereses profesionais. Como se verá no apartado de actividades, este tema ocupou unha vida intensa da asociación con comunicacións ante diferentes organismos e, sobre todo, con problemas relacionados con convocatorias de emprego e a Relación de Postos de Traballo (RPT) da área de Cultura da Xunta de Galicia. Ademais podemos destacar a difusión de ofertas e bolsas de emprego e as actividades derivadas de diferentes convocatorias.

Grazas á aprobación de Asociación de utilidade pública, no declaración do IRPF do ano 2015, as persoas socias pudemos desgravar ante facenda a cantidade correspondente á cota aportada á Asociación.

No 2016 realizamos cinco actividades formativas que tiveron boa acollida. Ofertamos dúas actividades gratuítas, unha para todas as persoas interesadas (grazas á colaboración co Salón do Libro) e outra para persoas socias. Esta última actividade tivo moita demanda o que nos plantexa repetir a formación en 2017. Volvemos a contar cunha subvención de Fesabid para o Obradoiro: Políticas, planificación e estratexias en arquivos e bibliotecas: que facer cando non hai nada que facer? No 2016 non contamos coa colaboración que levamos facendo os últimos anos coa Fegamp, sen embargo iniciamos unha actividade en colaboración co Salón do Libro de Pontevedra que esperamos poder continuar en próximos anos.

Mantivemos o contacto coas persoas asociadas a través do correo electrónico. Intentamos que a transparencia sexa un dos nos eixos principais de traballo e que estexades ao tanto de todas as actuacións da Asociación informado puntualmente das actividades realizadas desde a Directiva.

A nosa imaxe e comunicación cara ao exterior mantivémola a través do blogue, de facebook e twitter. A páxina de Facebook, crece pouco a pouco en seguidores e no Twitter temos moita presenza. Baixouse no número de publicacións de noticias no blogue, porén crecemos no número de lectores motivado tamén polo aumento do número de seguidores nas redes sociais.

Neste ano continúa baixando o número de persoas asociadas, sabemos que son tempos difíciles, que costa implicarse, asociarse e participar, pero entendemos que é necesario, polo que seguimos traballando para cambiar esta tendencia e pedísmosvos axuda e colaboración para continuar con este proxecto.

A Xunta Directiva

Febreiro 2017

%d bloggers like this: