BAMAD GALICIA

Inicio » Search results for 'salon libro infantil'

Search Results for: salon libro infantil

Obradoiro para persoal de bibliotecas no I Congreso de Mediación Lectora do Salón do Libro Infantil de Pontevedra

Obradoiro para persoal de bibliotecas no I Congreso de Mediación Lectora do Salón do Libro Infantil de Pontevedra con Soledad Felloza

A Compañeira María José Villar da Biblioteca de Chapela envíanos unha crónica do que foi o Obradoiro impartido por Soledad Felloza, celebrado o pasado 21 de abril, no Salón do Libro de Pontevedra dentro do I Congreso Internacional de Mediación Lectora.

 

Mulleres de Conto foi o tema que este ano centraba o Salón do Libro Infantil de Pontevedra, e sen dúbida unha das grandes mulleres de conto da nosa xeografía galega, coa que tivemos o pracer de aprender e tomar inspiración este sábado foi a coñecidísima actriz e contacontos Soledad Felloza.

Esta é a terceira ocasión na que Bamad Galicia oferta unha actividade de encontro e de formación para o persoal das bibliotecas. As anteriores, Imos cazar un oso, coa profesora de literatura e contacontos Alexia Dotras, en 2016, e Máis alá dos estantes, coa actriz e contadora Bea Campos, no 2017, resultaron de grande satisfacción para os/as seus participantes.

Este ano a proposta para os nosos socios foi diferente, xa que a nosa actividade se integraba dentro do I Congreso de Mediación Lectora que ofertaba o Salón do Libro, como un dos seus obradoiros. É por iso que a sesión, de dúas horas de mañá e mais dúas de tarde, foi máis curta, pero non menos interesante.

De Soledad Felloza admiramos a súa versatilidade, e a súa longa experiencia todoterreo. A súa bagaxe viaxeira e mais a súa camiñada como narradora oral cos públicos máis heteroxéneos faina un valor para aportarnos seguridade e moita sabedoría.

Ademáis de darnos consellos para narrar ou para facer actividades de dinamización lectora, Soledad falounos de literatura, e amosounos parte da súa riquísima e moi envexable colección de contos, dos que, como non, tomamos boa nota para poder incorporar aos nosos estantes.

Dada a resposta satisfactoria de todas as persoas participantes (moitos deles repiten de anos anteriores), agardamos poder seguir repetindo esta actividade no Salón do Libro e así aproveitar os grandes acontecementos no mundo do libro que as institucións nos ofertan para facer un oco para a voz e a participación do persoal das bibliotecas.

Que se nos escoite e que se nos agarde en todos os foros sobre a lectura e o libro, e que sexa por moitos anos máis.

Grazas ao Salón do Libro pola oportunidade, e a Bamad pola súa implicación.

Advertisements

Imos cazar un oso: obradoiro de mediación lectora para bibliotecarios no XVII Salón do Libro Infantil e Xuvenil de Pontevedra

A compañeira María José Villar Fernández da Biblioteca de Chapela-Redondela, foi a responsable da organización do Obradoiro de Mediación Lectora realizado no Salón do Libro de Pontevedra o pasado 16 de abril. Desde a Asociación queremos agradecer a súa iniciativa e o traballo de organización e coordinación levado a cabo para que esta actividade saise adiante con grande éxito. Queremos agradecer ás persoas que participaron no obradoiro que conseguiron que o curso tivera un bo suceso e á docente, Alexia Dotras, que creou un grande interese no obradoiro e provocou a demanda de máis actividades deste tipo que tentaremos cumprir en próximas edicións.

A seguir reproducimos o informe que María José fixo da actividade que agardamos sexa do voso interese.

salonlibro2016

 

Abril, coas súas efemérides do libro, é un mes de especial intensidade nas bibliotecas, e de particular motivación para os seus profesionais. Este ano BAMAD contribuiu a favorecer este estímulo para algún dos nosos colegas de profesión, grazas a unha actividade que levou a cabo no pasado sábado 16, dentro do Salón do Libro Infantil e Xuvenil de Pontevedra.

Este Salón pontevedrés vense celebrando anualmente dende 1999, acadando en cada edición un éxito maior de público e de participación de diferentes entidades. Xestores culturales, editores, animadores e contadores, profesores e centros de ensino, libreiros e, por suposto, bibliotecas, estamos convidados a visitalo, pero tamén a participar nel, xa que dende o Salón están abertos a aquelas propostas que contribúan a dinamizalo.

 

En BAMAD decidimos aproveitar a oportunidade para traballar un pouco máis a LIX dentro da nosa oferta formativa. Así xurdiu “Imos cazar un oso: obradoiro de mediación lectora”.

 

OBXECTIVOS

  • Proporcionar un maior coñecemento da literatura infantil e xuvenil, especialmente aos profesionais de bibliotecas públicas e escolares.
  • Amosar o Salón de Pontevedra como espazo de inspiración para os bibliotecarios que traballan no campo da LIX, e estimular ás persoas socias a visitalo.
  • Darlle protagonismo no Salón aos profesionais das bibliotecas, reivindicar o seu papel social de mediadores entre o libro e o lector.
  • Proporcionar, dentro do inmellorable marco do Salón do Libro, un lugar de encontro para bibliotecarios e persoal vinculado a estes centros.
  • Promover tamén as sinerxías entre os profesionais das bibliotecas e os axentes da promoción da lectura doutras institucións, como mestres e educadores.

 

CONTACTO CON SALÓN DO LIBRO DE PONTEVEDRA

Nun primeiro momento o Salón contactou con BAMAD, pois precisaba, de cara á preparación da edición deste ano, os servizos dun profesional bibliotecario. BAMAD deu a coñecer esta oferta entre as persoas socias, o que facilitou ao Salón dar co profesional axeitado, ao tempo que asesorou a esta entidade nalgúns aspectos sobre o traballo bibliotecario.

A partir deste primeiro contacto, e coñecendo a relevancia do certame pontevedrés, propúxoselle organizar algunha actividade enfocada aos profesionais de bibliotecas. Tíñamos como referencia a oferta formativa coa que contan profesores e pedagogos en cada unha das súas edicións, a través do CFR de Pontevedra, e pareceunos interesante poder establecer co persoal das bibliotecas unha liña de traballo similar.

Dende a organización estaban abertos a levar a cabo aquela proposta que lles presentaramos e tamén a asumir os seus custes, sempre coa condición de que fora BAMAD a que se ocupara da súa organización.

DSCF6131

 

O OBRADOIRO

Xa que estabamos dentro dun Salón enfocado na LIX, pareceunos moi oportuno ofrecer un obradoiro de carácter xeral, onde se trataran aspectos sobre dinamización lectora e ao tempo coñeceramos un pouco máis sobre literatura infantil e xuvenil.

Para facelo contactamos con varios profesionais, e recibimos varias propostas, das que finalmente foi seleccionada a de Alexia Dotras, profesora na Escola Superior de Educação de Bragança e cunha longa traxectoria como dinamizadora cultural e contacontos.

Aínda que o obradoiro estaba plantexado para persoal de bibliotecas, a inscrición era libre e gratuíta para calquera persoa interesada. En total asistiron 19 participantes de procedencia diversa, repartidas nun cincuenta por cento entre bibliotecarias ou persoal asociado co mundo das bibliotecas, dunha banda, e mestras e educadoras de diferentes ámbitos, noutra.

A actividade desenvolveuse cun carácter distendido, tratando de que as participantes –pois desta ocasión eran todas mulleres– se sentiran animadas, e que a experiencia resultase inspiradora, e lles motivase a aplicala posteriormente no seu traballo.

Na parte máis teórica, incidiuse en aspectos como a literatura oral, a oratoria, e o conto tradicional, para abordar despois a evolución do albun ilustrado nos anos 60 e 80, e rematar cun breve panorama sobre editoras actuais para o albun ilustrado. Na parte máis participativa, as asistentes tiveron a oportunidade de facer xogos de declamación e interpretación, e finalmente de achegarse aos contos e probar a contar algúns deles.

Para realizar a actividade contouse con 35 albuns infantís, emprestados polas Bibliotecas Municipais de Redondela, que colaboraban neste obradoiro, e outros tantos máis, raros e curiosos, procedentes de diferentes lugares do mundo, achegados por Alexia Dotras.

Ao rematar o obradoiro as asistentes puideron gozar dun percorrido por todas as instalación do Salón, guiado por unha das súas monitoras. A visita serviu para coñecer como traballa o Salón con cada un dos seus públicos (as escolas, as familias, os nenos e nenas de diferentes idades), e que estratexias segue para atraer visitantes. Tamén tiveron a oportunidade de coincidir con algún vellos coñecidos das bibliotecas, como Polo correo do vento, que acababan de rematar un obradoiro cos cativos, ou a Raquel Queizás, que se preparaba para unha actuación.

IMG_3615

 

En canto á experiencia das alumnas do obradoiro, e como resultado das enquisas que cumprimentaron ao rematar, temos que destacar a opinión unanimemente favorable, e que todas coincidiron no interese en realizar  unha segunda edición desta actividade. Ademáis, aportaron outras ideas para poder desenvolver en torno á LIX e á animación lectora, propostas coas que BAMAD podería traballar nun futuro co Salón do Libro.

 

Aproveitamos para agradecer desde aquí ao Salón do Libro Infantil e Xuvenil de Pontevedra, especialmente na persoa da súa directora, Pilar Portela, pola súa xenerosa disposición para incorporar á nosa asociación na edición deste ano, e posibilitarnos facer o curso. Así mesmo, á formadora Alexia Dotras Bravo, por facer un obradoiro tan animado e inspirador; sen esquecer a todas as participantes deste curso, polo seu interese e por servirnos de estímulo para repetir en futuras edicións.

María José Villar Fernández

IMG_3613

Abril 2016, mes do libro

Abril, mes do Libro

En Abril celebramos dúas datas importantes para as bibliotecas o Día do Libro infantil e Xuvenil, o 2 de Abril, e o Día do Libro, 23 de Abril.

O Día do Libro Infantil e Xuvenil é fomentado polo IBBY (International Board on Books for Young People) e levado aos distintos territorios polas organización do libro infantil e xuvenil. No caso Galego a actividade é fomentada por Gálix e cada ano o IBBY encárgalle o manifesto e a ilustración a unha das organizacións nacionais que forman parte da organización. Este ano o Manifesto e a a ilustración foron realizados pola organización Brasileira: texto de Luciana Sandroni e ilustracións de Ziraldo.

No blogue de Gálix informan de como se sumar a esta iniciativa desde a Biblioteca e outras entidades.

Cartel e Folleto

cartaz_23A_2016

Como cada ano queremos anunciar algunhas das actividades que se celebrarán nas Bibliotecas Galegas.

 

Actividades nas Bibliotecas Galegas (en contrución):

 Corcubión: Biblioteca Municipal

  • 23 de abril: Libros En-cantados con Magín Blanco, ás 12h.

Magín Blanco.JPG

 

A Guarda: Biblioteca Municipal

  • Durante todo o mes: Certame de microrrelatos
  • 2 de Abril: cinema familiar: O Fabuloso Andersen, 17,30h. no salón de actos do Centro Cultural.
  • 22 de Abril: cine, Os Miserables, 21h. no salón de actos do Centro Cultural.
  • 23 de Abril: “Contos contados polo Día do Libro” e obradoiro “Anímate a Ler“, 11.30h.
  • Programa completo

 

Coruña: Biblioteca Pública Miguel González Garcés

  • 2 de Abril: Contos de Pablísimo: Mans: espectáculo de teatro e narración oral, 12h.
  • Pablísimo: Adopta un animal: un caracol
  • Programa completo

pablisimo

 

Lugo: Biblioteca Pública

  • Concurso da OEPLI: Adopta un animal.
  • Mostra Bibliográfica: 4º centenario da morte de Cervantes. As edicións do Quixote na Biblioteca de Lugo.
  • 1 de Abril: Contaconto: Continentes: contos do mundo, con Chus Álvarez, ás 18h.
  • 22 Abril: visitas guiadas
  • 25 Abril: sorteo de libros
  • Programa completo

 

Ortigueira: Biblioteca Juan Fernández Latorre

  • Abril: durante todo o mes exposición: Nós contamos así
  • 5 e 6 de Abril: Obradoiros creativos para nenos e nenas de 3 a 8 anos
  • 20 de Abril: Contos que deixan pegada con  Pavís Pavós
  • 21 de Abril: III edición de Séntate a Ler

Cartel

 

Ourense: Biblioteca Pública

  • 2 de Abril: Teatro de sombras e Obradoiro O Monstro de Cores co Colectivo As Raiolas, ás 12h.

 

Pontevedra

Salón do Libro:  No Pazo da Cultura durante todo o mes

salonlibro2016

 

Redondela: Rede de Bibliotecas

  • 31 de Marzo: Pregón do Día do Libro na Radio de Redondela
  • 6 de Abril: Babar o Contacontos con maría José Villar, na Biblioteca de Redondela, 10.45h.
  • Exposición Jean de Brunhoff e Babar: Mostra bibliográfica, no edificio multiusos
  • 8 de Abril: Contos para bebés con Pavís Pavós, ás 18h. na Axencia de Lectura de Chapela,
  • 16 de Abril: Visita do Club infantil de lectura de Chapela aos estudos de Radio Redondela e gravación de programa de radio no matinal A Estación
  • 20 de Abril: Contacontos “O Poeta do Miño, unha homenaxe a Manuel María” con Polo Correo do Vento
  • 22 de Abril: Contacontos, Érase unha vez uns zapatos con Fátima Fernández, ás 18h. na Biblioteca de Redondela

babar

 

Ribadavia: Biblioteca Municipal

  • Abril: Mostra bibliográfica infantil sobre o Teatro.
  • Exposición dos primeiros carteis da Mostra Internacional de Teatro na Casa da Cultura de Ribadavia
  • 2 de abril: teatro con Tarabelos e “O traxe novo do rei” para maiores de 3 anos
  • 23 de abril: con Trécola Teatro e “Madame Bechamel e Signorina Bolognesa”

RibadaviaTeatro.JPG

 

Santiago de Compostela:

Biblioteca Pública Ánxel Casal:

SantiagoBP_Abril16

 

Concello de Santiago: “Contos para despois da chuvia”, XVI Campaña municipal de Animación á lectura con Kalandraka. Do 1 de abril ao 14 de maio na Galería Sargadelos.

Máis información

Cartel-XVI-klk-Stgo-2016

 

Biblioteca Fundación Eugenio Granell

  • 20 e 21 de abril: Libro por libro: feira de intercambio de libros de arte, 20 e 21 de abril.
  • 22 de abril: Bookcrossing
  • Programa completo

 

O Saviñao: Biblioteca Municipal

Do 28 de marzo ó 8 de abril:

  • Exposición de libros protagonizados por animais, para inspirarvos a que participedes no …
  • ConcursoAdopta un animal de conto”.
  • Cada préstamo que se realice levará un préstamo sorpresa que non se verá ata chegar á casa.

O día 1:

  • Lectura e reparto de trípticos da mensaxe de Luciana Sandroni con ilustración de Ziraldo, conmemorativos desta data.
  • Presentación da “Casa dos Libros”. Casa para que os usuarios pinten colocada na praza.
  • Contacontos con obradoiro de encadernación.

Os días 8, 15 e 22 de abril, obradoiros “Palabras creativas”, a cargo de Arelar Xestión Socioeducativa.

Do 18 ó 22 de abril:

  • Regalo dunha rosa de papel elaborada nos talleres de origami da biblioteca.
  • “Cita a cegas”: ofrecerase un préstamo sorpresa cun libro envolto, con algunha pista sobre o seu contenido.

Aberto prazo entrega certames: III Certame de Divulgación Mulleres de Lemos, e Certame de Narración e Debuxo Infantil Letras Galegas.

Máis información

 

Sober: Biblioteca Pública Municipal

  • 1 de Abril: Merenda con contos: Como me gustan os contos de Andersen.
  • 8 de Abril: IV centenario de Cervantes: Merenda con contos, preparación exposición polo centenario.
    • Os retratos no Quixote, obradoiro de manualidades, retratos dosa personaxes.
    • Lecturas do Quixote
  • 15 de Abril: Titeremusicontos: A xanela do Maxín
  • 20 de Abril: contacontos: Catrocentos anos despois: A trastenda dos contos con Caxoto.
  • 22 de Abril: Exposición IV centenario de Cervantes
    • A trastenda dos contos con Caxoto
    • Bookcrossing
  • 29 de Abril: IV Mercadillo dos libros
  • Programa completo

Sober16

Teo: Biblioteca dos Tilos

  • 2 de Abril: na Mediateca dos Tilos: Contaconstos Riciños de Ouro con TrinkeTrinke, 18h.

tilos

 

Verín: Biblioteca Pública Municipal

  • 30 de Marzo a 14 de Abril: Ciclo de Conferencias de Novela Negra
  • 1 de Abril: Contacontos e Manualidades realizadas polo persoal voluntario da biblioteca, ás 18h.
  • 4 e 5 de Abril: Visitas escolares
  • 20 de Abril: Semana do Libro: Contacontos e Manualidades realizadas polo persoal voluntario da biblioteca.
  • 22 de Abril: Quijote galego: a vida de Miguel de Cervantes, por César Brandariz
  • Programa completo

Verin16

 

Vigo: Biblioteca Xosé Neira Vilas

  • 1 de Abril: Obradoiro con Ramón Trigo, 18h.
  • Do 1 ao 16 de Abril: Mostra bibliográfica: títulos actuais de LIX
  • 25 de Abril: Obradoiro de papel mármore, 18h.
  • Do 18 ao 30 de Abril: 400 anos de Cervantes, Mostra bibliográfica
  • Programa completo
%d bloggers like this: