BAMAD GALICIA

Inicio » Emprego

Category Archives: Emprego

Emprego cultural en Galicia 2019: arquivos, bibliotecas e museos

O Grupo de Traballo Observatorio da Cultura Galega do Consello da Cultura Galega acaba de publicar o informe Emprego cultural en Galicia, 2019.

No documento indican os datos estatísticos utilizados que dividen en dúas partes segundo as fontes.

 

1) Encuesta de Población Activa (EPA) do Instituto Nacional de Estadística (INE), no que se ofrecen datos sobre a totalidade de persoas que desenvolven a súa actividade laboral dentro do ámbito cultural, ou ben porque teñen unha ocupación cultural, ou ben porque traballan nunha actividade económica de tipo cultural.

O número de empregados culturais en Galicia sitúase no ano 2018 en 35.000 persoas, 1.400 menos que en 2017, isto é un 3,2% da poboación activa en Galicia.

Nestes datos non se especifica en que sectores, dentro da cultura, se diferencian os traballos realizados, polo que non podemos establecer cantos deses empregos se corresponden co noso sector.

 

2) Para a segunda análise utilizáronse os datos das Afiliacións á Seguridade Social que ofrece o Ministerio de Traballo, Migracións e Seguridade Social e que explota o Instituto Galego de Estatística (IGE).

Estas diferenzas mostradas entre os datos da EPA e da Seguridade Social son coñecidas á hora de facer datos estatísticos, pero non resolven a información necesaria para o noso sector. En estudos anteriores, o IGE indicaba que en Galicia en 2011 había 2.657 persoas traballando no sector de arquivos, bibliotecas, museos, e actividades relacionadas, en Galicia. Sen embargo neste estudo, con datos de afiliciación á Seguridade Social, só se recollen 472 persoas traballando en 2018 no noso sector.

  • Na nosa interpretación entendemos que existen moitas persoas realizando funcións en arquivos, bibliotecas e museos que non están contratados nas categorías CNO que se inclúen para tirar os datos estatísticos, o que sería unha “confusión” das propias administracións, e das empresas privadas, que contratarían con outras categorías profesionais.
  • Segundo o IGE, en 2011 o noso sector representaba o 8,6% do emprego cultural. Se empregamos estes datos, e damos por suposto que o peso é o mesmo, neste momento tería que haber unhas 3.010 persoas traballando en arquivos, bibliotecas e museos. De calquera maneira, sería un número moi superior ás 472 persoas indicadas pola EPA.
  • Podemos sinalar tamén a grande feminización do sector, que xa é intuído de maneira práctica no día a día do noso traballo, pero que agora se ve confirmado nas diferenzas entre as demanadas de emprego de mulleres e homes. Máis abaixo pódese observar, nas profesións máis demandadas por mulleres e homes nos sectores culturais, como as mulleres escollen en grande medida as profesións relacionadas co nosos sector, mentres que os homes as demandan en menor número e menos das profesións. (Os datos referidos a homes indican que estas profesións non están entre as máis demandadas).

 

Evolución do número de afiliacións á Seguridade Social en Galicia nas ramas do ámbito cultural

Total afiliacións

2014

2015

2016

2017

2018

91 Actividades de bibliotecas, arquivos, museos e outras actividades culturais

399

406

395

401

472

R. Xeral

338

346

334

340

410

Autónomos

60

60

61

61

62

Demanda e contratación de ocupacións:

Ocupacións máis demandadas no ámbito cultural en 2018 CNO-2011 (8 díxitos)

Ocupacións

Demandas

Axudantes de biblioteca e/ou documentación

778

Empregadas/os administrativas/os de arquivos e/ou bibliotecas

487

Bibliotecarias/os

261

Arquivistas

204

Ocupacións máis demandadas por mulleres e homes no ámbito cultural en 2018

Ocupacións

Demandas Mulleres

Demandas Homes

Axudantes de biblioteca e/ou documentación

614

164

Empregadas/os administrativas/os de arquivos e/ou bibliotecas

366

121

Axudantes de museo

230

X

Bibliotecarias/os

195

X

Conservadoras/es de museo e galerías de arte

146

X

Axudantes de arquivo

143

X

Arquivistas

142

X

 

Curso Supostos Prácticos Auxiliares USC

Curso: Supostos Prácticos Auxiliares USC

  • Impartido por:
    • Yolanda Diéguez Méndez. Axudante de bibliotecas na Universidade de Santiago de Compostela.
    • Llarina González Solar. Facultativo de bibliotecas na Universidade da Coruña.
  • Modalidade: Online
  • Datas: 11 de setembro a 9 de outubro
  • Prazas: 25
  • Horas: 20h.
  • Prezo: 70€ socios / 100€ non socios
  • Programa
  • Matrícula electrónica

A Cultura representa o 2% do PIB e o 3% do emprego en Galicia

O último informe do Instituto Galego de Estatística denominado Análise do Sector Cultural 2016, recolle os datos xerais da Cultura no noso país. Aínda que a maioría dos datos se refiren ao ano 2011, a análise serve para mostrarnos unha radiografía aproximada do sector.

Os datos misturan desde diferentes perspectivas todos os sectores que, directa ou indirectamente, teñen relación coa cultura. En función da actividade cultural o noso sector sería un dos 5 analizados e abarca o Patrimonio artístico e monumental, arquivos e bibliotecas e inclúe a explotación dos monumentos e edificios históricos, os museos, os xacementos arqueolóxicos e as actividades dos xardíns botánicos, zoos e reservas naturais (correspóndese coa rama 91 do CNAE-2009).

Nas ramas 90 (actividades relacionadas coa creación artística e literaria, artes escénicas e a xestión de salas de espectáculos) e 91 do CNAE inclúese unha parte importante do gasto que as Administracións públicas realizan na cultura galega. Gasto que é necesario ter en conta conta na análise xeral da cultura porque do contrario deixaríase fora unha parte importante das actividades de promoción da cultura e sobre todo, no que respecta ao noso sector, estaría fora da análise económica do realizado sobre o total da cultura.

Segundo esta análise a Cultura representa un 2% do PIB e un 3% do emprego e, dentro da cultura, o noso sector (CNAE 91) representa o 9,3% do PIB e o 8,6% do Emprego. Segundo estes datos podemos tirar como conclusión desta análise que o noso sector representa aproximadamente:

  • 0,28% do PIB galego e
  • 0,26% do emprego galego (con 2.657 persoas empregadas)

PIB Cultura

Emprego Cultura

 

 

%d bloggers like this: