BAMAD GALICIA

Inicio » Formación » Formación outras entidades

Category Archives: Formación outras entidades

Xornada RDA na Biblioteca de Galicia

A Biblioteca de Galicia organiza unha nova xornada técnica que terá como protagonista o estándar RDA. Aínda que este “novo” código de catalogación está publicado desde o ano 2010, a súa adaptación nas bibliotecas españolas non termina de poñerse en marcha. A Biblioteca Nacional de España, a Biblioteca de Catalunya ou a Biblioteca das Illes Balears son das poucas institucións que están a facer esforzos reais para tratar de implementar RDA nos seus procesos de catalogación.

Na xornada estarán presentes representantes destas tres bibliotecas para transmitirnos como están a traballar para adaptarse á RDA e cales son os principais atrancos cos que se están a atopar. Para rematar a xornada haberá unha mesa de debate para achegarnos ao estado da cuestión nas bibliotecas galegas.

Baixo o título “RDA: estado da cuestión”, a xornada o terá lugar o día 13 de decembro no Auditorio Xosé Neira Vilas da Biblioteca de Galicia. O horario será de mañá, entre as 10:00 e as 15:30 horas, cun descanso entre intervencións para una café ás 11:30 h. Ao remate da xornada servirase unha comida lixeira na Sala Eisenman.

A inscrición pode realizarse, a partir do martes 3 decembro ás 9h., e até completar prazas, na web http://www.cidadedacultura.gal/gl

Informacion Xornada

 

II Congreso Internacional de Mediación Lectora, 27-30 marzo, Pontevedra

II Congreso Internacional de Mediación Lectora:
Revolución lectora! 27-30 marzo 2019. Pazo da Cultura de Pontevedra

Por segundo ano realízase este Congreso dentro do XX Salón Internacional do Libro Infantil e Xuvenil de Pontevedra, que se celebrará entre o 22 de marzo e o 12 de abril. O lema escollido este ano é a Revolución e contará coa Lusofonía como cultura convidada a participar do Salón.

 

Dentro do Salón realízase o II Congreso Internacional de Mediación Lectora que, seguindo a temática do congreso, escolleu como lema a Revolución Lectora. Entre os días 27 e 30 de marzo contará cun amplo programa de actividades e de participantes de países da lusofonía: Galiza, Portugal. Angola e Brasil.

Temos que agradecer ao Salón que de novo ofreza unha actividade específica de formación para persoal de bibliotecas ou persoas interesadas na animación á lectura, que se levou a cabo durante estes anos grazas ao traballo da compañeira María José Villar da biblioteca de Chapela-Redondela, quen foi a promotora desta actividade. Este ano a proposta é dunha formación sobre a lectura en dixital impartida por Benita Prieto, o sábado 30 de marzo de 16.30 a 18.30h.

 

Dixitalización de arquivos: tendencias, procesos e plans de execución

Xornadas: Dixitalización de arquivos: Tendencias, procesos e plans de execución

Presentamos unhas novas xornadas organizadas polo Consello da Cultura Galega: Xornadas Dixitalización de arquivos, Tendencias, procesos e plans de execución, que se realizarán en Santiago de Compostela o próximo xoves 15 de xuño.

Esta xornada ten como obxectivo prioritario analizar a evolución dos procesos de dixitalización dos arquivos nos últimos anos e coñecer as tendencias actuais, así como as oportunidades que hai non só para preservar mellor os fondos, senón para difundilos e poñelos accesibles á cidadanía.

Algunhas das tendencias e plans de execución serán expostos para situar o escenario da memoria dixital, tanto no plano conceptual como nos principais plans que están actualmente en execución.

%d bloggers like this: