BAMAD GALICIA

Inicio » Formación (Páxina 2)

Category Archives: Formación

Curso: Paleografía da Idade Moderna

Curso de Paleografía da Idade Moderna (s. XVI-XVIII)

Partindo da escritura hispano-gótica o curso orientaranos sobre as escrituras góticas cursivas castellanas e a escritura humanística incidindo no sistema abreviativo, con pautas e consellos baseados na experiencia que facilitarán ao alumnado a aprendizaxe progresiva da transcrición paelográfica.

Profesor: Gonzalo Francisco Fernández Suárez, Profesor de Humanidades na Universidade de Santiago de Compostela

En Colaboración: coa CAA, Coordinadora de Asociaciones de Archiveros

Modalidade: on-line

Duración: 11 de xuño a 6 de xullo

Preincrición: do 25 de maio a 1 de xuño

Prazas: 30 prazas

Matrícula: 70€ socios / 100€ non socios

Programa

Matrícula

Advertisements

Xornada o 9 de xuño na Coruña sobre o Programa IAP da IFLA

O Programa Internacional de Acción para o Desenvolvemento (International Advocacy Programme) da IFLA está centrado na Axenda 2030 das Nacións Unidas. Con este programa a IFLA quere aumentar a capacidade das bibliotecas públicas e as asociacións profesionais para facer frente aos desafíos que esta axenda supón e para axudar a promover actividades de sensibilización. A participación de FESABID neste programa supón a adquisición do compromiso para executar e desenvolver o plan de Advocacy e actividades de sensibilización, como este obradoiro en colaboración con BAMAD Galicia, que axuden a posicionar as bibliotecas como axentes do desenvolvemento sustentable.

Desde finais de 2015 en Bamad vímonos facendo eco deste programa xa que a partir de 2016 os gobernos teñen que implementar os Obxectivos de Desenvolvemento Sustentable da ONU nun prazo de 15 anos, é por iso que a ONU denominou a este programa Axenda 2030.

Fesabid, en colaboración coas entidades federadas, está organizando por todo o estado xornadas de presentación, traballo e debate sobre os obxectivos marcados pola IFLA que servan para posicionar o papel das bibliotecas na consecución dos obxectivos da ONU. É por isto que, nesta ocasión, desde Bamad Galicia organizamos unha Xornada sobre o Programa IAP da IFLA que contará coa presenza e dinamización de Alicia Sellés, responsable de Fesabid para desenvolver este programa e ademais actual presidenta da Federación, que contará co apoio de Isabel Blanco, directora da Rede de Bibliotecas municipais da Coruña.

A xornada realizarase o próximo sábado 9 de xuño, de 10 a 18h. na Biblioteca Ágora.

Programa

Participar: se tes interese en participar podes enviar un email a: bamadgalicia@gmail.com

Obradoiro para persoal de bibliotecas no I Congreso de Mediación Lectora do Salón do Libro Infantil de Pontevedra

Obradoiro para persoal de bibliotecas no I Congreso de Mediación Lectora do Salón do Libro Infantil de Pontevedra con Soledad Felloza

A Compañeira María José Villar da Biblioteca de Chapela envíanos unha crónica do que foi o Obradoiro impartido por Soledad Felloza, celebrado o pasado 21 de abril, no Salón do Libro de Pontevedra dentro do I Congreso Internacional de Mediación Lectora.

 

Mulleres de Conto foi o tema que este ano centraba o Salón do Libro Infantil de Pontevedra, e sen dúbida unha das grandes mulleres de conto da nosa xeografía galega, coa que tivemos o pracer de aprender e tomar inspiración este sábado foi a coñecidísima actriz e contacontos Soledad Felloza.

Esta é a terceira ocasión na que Bamad Galicia oferta unha actividade de encontro e de formación para o persoal das bibliotecas. As anteriores, Imos cazar un oso, coa profesora de literatura e contacontos Alexia Dotras, en 2016, e Máis alá dos estantes, coa actriz e contadora Bea Campos, no 2017, resultaron de grande satisfacción para os/as seus participantes.

Este ano a proposta para os nosos socios foi diferente, xa que a nosa actividade se integraba dentro do I Congreso de Mediación Lectora que ofertaba o Salón do Libro, como un dos seus obradoiros. É por iso que a sesión, de dúas horas de mañá e mais dúas de tarde, foi máis curta, pero non menos interesante.

De Soledad Felloza admiramos a súa versatilidade, e a súa longa experiencia todoterreo. A súa bagaxe viaxeira e mais a súa camiñada como narradora oral cos públicos máis heteroxéneos faina un valor para aportarnos seguridade e moita sabedoría.

Ademáis de darnos consellos para narrar ou para facer actividades de dinamización lectora, Soledad falounos de literatura, e amosounos parte da súa riquísima e moi envexable colección de contos, dos que, como non, tomamos boa nota para poder incorporar aos nosos estantes.

Dada a resposta satisfactoria de todas as persoas participantes (moitos deles repiten de anos anteriores), agardamos poder seguir repetindo esta actividade no Salón do Libro e así aproveitar os grandes acontecementos no mundo do libro que as institucións nos ofertan para facer un oco para a voz e a participación do persoal das bibliotecas.

Que se nos escoite e que se nos agarde en todos os foros sobre a lectura e o libro, e que sexa por moitos anos máis.

Grazas ao Salón do Libro pola oportunidade, e a Bamad pola súa implicación.

%d bloggers like this: