BAMAD GALICIA

Certificación Profesional en Bibliotecas

As Bibliotecas e os Obxectivos de Desenvolvemento Sustentábel (ODS): Axenda 2030 da ONU

Dereito a Ler en Electrónico

The Lyon Declaration

BAMAD Galicia entre os asinantes da Declaración

Non ao empréstimo de pago

Eu Amo as Bibliotecas Públicas

Orzamentos 2020 para Bibliotecas da Xunta de Galicia

BAMAD Galicia ante os orzamentos da Xunta de Galicia para Bibliotecas 2020

O proxecto de Lei de orzamentos da Xunta de Galicia do ano 2020 sobe, con respecto ao 2019, en 40.000€

Cremos que son uns orzamentos moi conservadores que non contribúen á mellora dos servizos de bibliotecas públicas

 

No ano 2020 as bibliotecas públicas de Galicia contarán case co mesmo orzamento que no ano 2019, e seguen cunhas dotacións que aínda non recuperaron as cantidades anteriores á crise (perto de 3,5 millóns de euros em 2012). Nun contexto de “recuperación”, no que a maioría das partidas orzamentarias da Xunta de Galicia se incrementan, as bibliotecas apenas notan melloría con respecto aos do ano anterior.

Os datos poden visualizarse nas gráficas máis abaixo nas que comparamos os anos 2019 e 2020. Queremos sinalar algunhas cuestións que nos parecen preocupantes, por encima das cantidades sinaladas e que vimos demandando desde hai anos desde a nosa Asociación e que reiteremos a continuación:

1) A necesidade de desenvolver a Lei de Bibliotecas fomentando a cooperación entre as distintas administracións: Concellos, Deputacións e Xunta, o que debería permitir dotar de mellores servizos, instalacións, equipamento e persoal ás bibliotecas municipais.

2) Moitos servizos de bibliotecas municipais encóntranse en pleno cambio de sistema de xestión bibliotecaria o que obriga a realizar grandes esforzos de persoal, véndose na obriga moitos servizos de contratar servizos externos de persoal e/ou de xestión para poder facer frente ao cambio. Este proceso debería ser apoiado polo Servizo de Bibliotecas da Xunta que, debido principalmente, á escaseza de persoal do servizo, non pode facer frente ao labor de formación e asesoramento do cambio que sería preciso.

3) Increméntase a partida de Actividades de animación á lectura nas bibliotecas da Xunta o que é de agradecer. Cremos que é unha das apostas firmes que a Xunta debe fomentar e apoiar, pero non se debe orientar só ás bibliotecas da propia administración autonómica e deberían incrementarse tamén as partidas dirixidas ao fomento da lectura nos Concellos que quedan conxeladas con respecto ao ano anterior.

4) Todas as partidas orientadas ao apoio a concellos: investimentos, adquisicións e dinamización manteñen as mesmas partidas que em 2019. Seguimos crendo que o fomento do uso da biblioteca e da lectura é imprescindible para crear sociedades democraticamente maduras polo que non entendemos que non mellore o orzamento para a realización de actividades culturais e de animación á lectura nas bibliotecas municipais.

5) A partida de 110.000€ que aparece desde 2019, para o apoio a bibliotecas itinerantes nos concellos, é interesante e importante que se utilice. En 2019 non se realizou ningún servizo de bibliotecas itinerantes o que consideramos un erro xa que era un bo momento de apostar por levar novos servizos a aqueles lugares que por dispersión ou pouca poboación non podem acceder a servizos bibliotecarios e que existen, con éxito, noutros lugares.

 

Os profesionais das bibliotecas reclamamos mellores partidas para as bibliotecas e o desenvolvemento integral de políticas de fomento do libro e da lectura coa participación de todo o sector: as diversas administracións, empresas e o persoal profesional.

 

A Xunta Directiva de Bamad Galicia

A Coruña, 28 de Outubro de 2019

 

Cadro comparativo e gráficos de Bibliotecas 2019-2020

 

2020

2019

Bolsas formación (4800)

216940

216940

Equipamento da rede (mobiliario) (6251)

90000

90000

Lotes fundacionais (6281)

495000

495000

Edición libro galego (lotes fundacionais) (6282)

171060

171060

Obras e reparacións na rede de bibliotecas de Galicia (6322)

60000

60000

Promoción da lectura e do libro (6402)

185000

185000

Actividades culturais e animación á lectura e bibliotecas (6405)

138000

98000

Formación (6400)

10500

10500

Sistema Bibliotecario e Formación bibliotecaria (6401)

335000

335000

Axudas a entes locais para investimentos en bibliotecas (7601)

350000

350000

Subvencións para adquisicións de novidades editoriais en galego (7602)

200000

200000

Axudas dinamización bibliotecas municipais (7603)

198000

198000

Axuda a concellos para bibliotecas itinerantes (64007)

110000

110000

Total

2.559.500

2.519.500

 

24 de outubro, Día da Biblioteca 2019

O vindeiro día 24 de outubro celébrase o Día da Biblioteca, unha iniciativa que dende 1997 promove a Asociación Española de Amigos do Libro Infantil e Xuvenil

O obxectivo é poñer en valor o papel das bibliotecas e a importancia de contar con unhos servizos bibliotecarios de calidade, accesibles para todo tipo de públicos e en calquera etapa da vida. A partir de este ano  incorpórase o lema ‘Aptas para todos os públicos’, que estará presente en toda as actividades que se poñan en marcha.

O pregón deste ano é da escritora Gemma Pascual i Escrivà, e o cartel do ilustrador Miguel Calatayud.

Cartel Día de la Biblioteca 2019

  • Cartel da Consellería de Cultura e Turismo

https://rbgalicia.xunta.gal/sites/default/files/images/aviso/dia_das_bibliotecas_2019.jpg

 

  • Cartel e logo da Dirección Xeral do Libro e Fomento da Lectura, a través de la Subdirección Xeral de Coordinación Bibliotecaria do Ministerio de Cultura

https://rbgalicia.xunta.gal/sites/default/files/images/aviso/cartel_ministerio.jpg

 

Nas bibliotecas galegas celébrase esta efeméride con numerosas actividades, algunhas das cales indicamos a continuación (en construción):

Utilizaremos #DíadaBiblioteca para difundir as actividades.

O Día das Bibliotecas en Galicia

Tras o éxito da I edición do ano pasado, a  Rede de Bibliotecas de Galicia organiza as II Xornadas de Bibliotecas Públicas de Galicia o 21 de outubro na Cidade da Cultura.

 

A Coruña. Biblioteca González Garcés

  • 24 de outubro, encontro literario “Palabras máxicas”: obradoiro de escritura creativa de Chus Molina Raspal (textos relacionados co mundo bibliotecario, relatos curtos), ás 18:30 h.
  • 26 de outubro, “O ratiño presumido” con Trinke Trinke para nenos 3-6 anos, ás 12:00 h.

Programa completo do mes de outubro

 

A Coruña. Biblioteca Deputación Provincial

  • 24 de outubro,
    • Visita guiada á biblioteca, ás 11:30 h.
    • Sesión de información dixital “Ebibliodacoruna club”, 10:30-11:15 h. na sala  Manuel López
    • A Biblioteca sae  á rúa, á 13:00 h. diante da biblioteca.
    • Conferencia “A transición enerxética en España” por Francisco Aréchaga, ás 19:30 h. na sala Manuel López.
    • Obradoiro de sombras, 18:00-20:00 h.
  • 28 de outubro, presentación do libro “Un día de septiembre y algunos de octubre” de Jordi Serra i Fabra, ás 17:00 h.
  • Do 24-31 de outubro, premios aos superlectores/as
  • Exposición “Bibliotecas dixitais” no vestíbulo da biblioteca durante outubro e novembro

 

Bóveda. Axencia de Lectura Municipal

  • 24 de outubro, contacontos con Sergio Rivas Ínsua, para todos os públicos, ás 11h.
  • 24 de outubro, Iria Mejuto, un paseo entre liñas pola música negra “Soul e Literatura“, mocidade e adultos, 20h.
  • 25 de outubro, obradoiro de danza tradicional con Nerea Consuelo de Xandobela, A bailar cando os tempos, mocidade e adultos, 20h.

 

Celanova. Biblioteca Municipal

  • 24 de outubro,  O Titiribaile / con Musicarte, para nenos de 2 a 11 anos, ás 18:00 h.

 

A Guarda. Biblioteca Municipal

  • 18 de outubro,  Contacontos ilustrados mulleres galegas, ás 18 h.
  • 21 de outubro,  Unha árbore ven a vernos, ás 18 h.
  • 24 de outubro,  Bibliotecas para mudar o cambio climático, ás 18 h.
  • 26 de outubro,  Obradoiro de creación teatros de papel, ás 11:30 h.

Meis. Biblioteca Municipal

  • 23 de outubro, Cores, contos e Rock´n Roll con Pakolas destinado a nenos de 3-10 anos,  ás 18:30h.
  • 24 de outubro, Contos de outrora para xente de agora con Avelino González destinado a adultos,  ás 11:00h.
  • 25 de outubro, Contos de sempre para xente de agora con Fátima Fernández destinado a adultos,  ás 17:00h.

Oleiros. Bibliotecas Públicas municipais

  • Biblioteca Central Rialeda:
    • Abecedario sorpresa: escolla de libros e películas imprevistas
    • 24 de outubro, Obradoiro co Faiado de Nin de deseño de mochilas para lectores e lectoras, maiores de 6 anos, 18.30h.
  • Biblioteca Rosalía de Castro, Santa Cruz:
    • Deixando pegadas: deixa a túa marca con pintura de mans na biblioteca.
    • 23 de outubro: Contos da nai selva con Paula Carballeira, maiores de 4 anos, 18.30h.
  • Biblioteca María José Trincado, Mera:
    • Do 21 ao 25 de outubro: obradoiro de decoración de marcapáxinas, público infantil
  • Biblioteca Xograr Mendiño, Lorbé:
    • 24 de outubro: obradoiro de decoración de marcapáxinas, público infantil
    • Mostra bibliográfica para tod@s, coa temática os libros e as bibliotecas.
  • Biblioteca Manuel María, Oleiros:
    • Segunda quincena de outubro: Obradoiro de debuxo e pintura para nenas e nenos con temas alusivos aos libros e ás bibliotecas.
  • Biblioteca Ánxel Fole, Nós:
    • A vida da biblioteca: centro de interese sobre os libros e a biblioteca
  • Biblioteca María José Ruso, Dorneda:
    • Exposición Os libros protagonistas
    • Canto dabes sobre as bibliotecas? pasatempos sobre as bibliotecas dirixidas ao público infantil

 

Poio. Biblioteca Municipal.

  • 24 de outubro,  Bookcroussing: a bibliotecaria explicará en qué consiste para despois realizala actividade, ás 17:30h.

Pontevedra. Biblioteca Pública

  • 25 de outubro,  Os contos das cesta de caperuchiña: a partir de 3 anos impartido por Bea Campos, ás 18:00 h.
  • VI Certame de relato curto. Presentacións ata o 25 de outubro , destinatarios persoas a partir de 16 anos.

 

Ribadavia. Museo Etnolóxico

 

  • 24 de outubro, ás 20.00h  // sábado 26 de outubro, ás 12:00h. Visita guiada á Biblioteca do Museo: “Descubrindo documentos singulares” desde almanaques, a álbums de cromos, minicontos, comedias soltas do S. XVIII, catálogos de tendas, revistas de moda do S. XIX, folletos… que información nos achegan?
  • 24 de outubro,
    • Reunión de clubs de lectura de bibliotecas escolares no Museo Etnolóxico con concurso de contada, en colaboración coa Noite Meiga da asociación Ribadavia Activa-T.
    •  Actuación de Brais das Hortas co espectáculo: “Contos de defuntos e outros asuntos”. (Actividade para os clubs de lectura participantes).
  • 25 de outubro. Presentación do libro “Xornada sobre Bibliotecas Especializadas (actas 2010, 2013, 2016)” que reúne todas as intervencións que se fixeron nas tres edicións desta xornada, ás 18:00h.

Santiago de Compostela. Biblioteca Ánxel Casal

  •  11, 18 e 25 de outubro, Obradoiro de iniciación á maxia “Biblioteca máxica” con David Méndez; o 26 de outubro, gala final do obradoiro de maxia no salon de actos ata completar aforo.
  • 19 de outubro, Contacontos “Un día, na biblioteca”  a cargo de Ángeles Goás e destinado a nenos a partir de  4 anos,  ás 12.00h no salón de actos ata completar aforo.
  •  24 de outubro,
    • visitar guiada extraordinaria, ás 12 h.
    • Entrega de lotes de libros ás “superlectoras” e “superlectores” infantís e adultos.
    • Espectáculo familiar “Fantasía musical” a cargo de María Faltri e Jorge Juncal para nenos 3-8 anos,  ás 18.30h no saón de actos ata completar aforo.

O Saviñao. Biblioteca Municipal

  • 24 de outubro,
    •   10:00-14:00  Visitas guiadas con grupos escolares
    •     14:00-17:00  Minivisitas guiadas para calquera persoa que acuda á biblioteca
    •     17:00-18:00  Conta – obradoiro artístico con tapóns e palliñas(a partir de 5 anos)
    •     18:00-18:30  Merenda infantil
    •     18:30-19:30  Obradoiro – competición de buxainas (a partir de 6 anos)
    •     19:30-20:30  Xogo Rescate na Biblioteca con Antía Yáñez (programa Ler conta moito) (a partir de 6 anos e público adulto acompañante)
    •     20:30-21:30  Obradoiro de carteira/porta-retratos (a partir de 8 anos)
    •     21:30-22:00  Cea infantil
    •     22:00-22:50  Contacontos Bolboretas con Soledad Felloza (programa Ler conta moito)(público infantil, xuvenil e adulto)
    •     22:50-23:50  Obradoiro de debuxo con círculos (público a partir de 10 anos, xuvenil e adulto)
    •     23:50-00:00  Xogos/Karaoke – Festa de despedida

Sober. Biblioteca Municipal.

 Colectivo Lemos Le.

 

Verín. Biblioteca Municipal

  • 25 de outubro,  Contacontos e manualidades con materiais reciclados para nenos de 3-9 anos, de 18:00 h. ás 19:30 h.

 

Vigo. Biblioteca Pública de Vigo Juan Compañel.

  • 23 de setembro ao 4 de novembro no recibidor da biblioteca, Bibliotecas: núcleos de transformación. Explicación do papel das biblitecas nos 17 Obxectivos de Desenvolvemento Sustentable (ODS) da AXenda 2030 das Nacións Unidas.
  • 23 de setembro ao 4 de novembro no recibidor da biblioteca, Pregoeiras e pregoeiros do Día da Biblioteca. Exposición cos carteis, pregóns e obras das distintas autoras e autores do Día da Biblioteca.
  • 24 de outubro, xornada de portas abertas: visitas guiadas ás 12:30 e ás 18:00 h.

 

Vigo. Biblioteca Pública Xosé Neira Vilas

  • 24 de outubro, Consultorio na biblioteca, durante todo o día haberá un consultorio na biblioteca, onde se tratará ao público usuario as súas doenzas literarias.
  • Exposcións de carteis cos beneficios da lectura.

 

Acadamos as 50.000 visitas na web de Bamad Galicia

Un pouco de historia:

En 2002 creouse unha páxina web co nome de anabadgalicia.org. Este dominio mantívose até o 2007 en que, ante os cambios de directiva e a dificultade de recuperar o dominio .org, creouse un novo dominio anabadgalicia.net. Este dominio mántívose até o cambio de denominación, Bamad Galicia, en 2014.

O dominio org remitía a unha páxina estática con información breve sobre a asociación.

En 2007, para resolver a dificultade de manter e publicar nunha páxina web estática, creouse o blogue http://agabad.blogsome.com/ creado para Anabad Galicia e mantido polas compañeiras Catuxa Seoane, Rebeca Núñez, Lara Rey, e polo compañeiro, Julio Pesquero, no servidor Blogsome. O sitio web mantívose activo até que en 2011 Blogsome desapareceu da noite para a mañá sen aviso previo e sen posibilidade de exportar ou recuperar a infomación que tíñamos alí publicada.

2011-2014

En xuño de 2011, despois da desaparición de Blogsome tivemos que saír do paso creando un novo blogue para Anabad Galicia, esta vez nun servidor máis seguro, xa que utilizamos WordPress como sistema de publicación de noticias.

2014-actualidade:

En setembro de 2014 cambiamos de denominación a Bamad Galicia e creamos o dominio bamad.gal, En decembro dese ano comezamos a publicar un novo blogue tamén en wordpress, o vixente na actualidade, que agora está a punto de cumprir 5 anos e que chega á cifra de 50.000 visitantes.

Neste sitio importamos toda a información que existía no anterior de Anabad Galicia, polo que se pode recuperar e consultar todo o publicado desde xuño de 2011 até a actualidade. Trátase de máis de 200 post con artigos de opinión, datos, estatísticas, notas de prensa, informes, actividades de formación…

En 2018 desapareceu definitivamente o dominio anabadgalicia.net. O blogue de Anabad Galicia sigue existindo pero xa non se actualiza. O último post remite ás novas ferramentas: blogue, facebook e twitter para que as persoas que o visitan podan chegar a Bamad. Até o 2018 o blogue aínda tinha moitas visitas que pouco a pouco deixan de chegar e de remitir ao novo blogue a medida que a marca Bamad Galicia se foi consolidando.

É neste novo blogue www.bamad.gal no que chegamos ás 50.000 visitas.

O ano de máis visitas foi 2014 (en Anabad Galicia) con 13.171 visitas, no de Bamad Galicia, o ano de máis visitas foi 2017 con 11.878 visitantes. Esta baixada é unha tendencia global de caída nas visitas ás webs e aos blogues ao ir desviándose máis o tráfico ás redes sociais. Aínda así consideramos, que ademais de estar nas redes sociais, é necesario manter un sitio propio onde podamos publicar e manter a nosa información.

Ademais do noso blogue: www.bamad.gal tamén se poden seguir as noticias de interese para a profesión que publicamos nas nosas redes sociais en Twitter e Facebook.

Grazas por acompañarnos durante estes anos!

Formación 2019

Arquivo

Calendario do Libro e da Lectura 2019

%d bloggers like this: