BAMAD GALICIA

Certificación Profesional en Bibliotecas

As Bibliotecas e os Obxectivos de Desenvolvemento Sustentábel (ODS): Axenda 2030 da ONU

Dereito a Ler en Electrónico

The Lyon Declaration

BAMAD Galicia entre os asinantes da Declaración

Non ao empréstimo de pago

Eu Amo as Bibliotecas Públicas

Abril, mes do libro 2020.

Día do Libro infantil 2020

En Abril celebramos dúas datas importantes para as bibliotecas o Día do Libro infantil e Xuvenil, o 2 de Abril, e o Día do Libro, 23 de Abril.

Como todos sabedes, todos os plans das bibliotecas de Galicia para festexar estas dúas datas víronse truncados polos acontecementos actuais. Moitas bibliotecas ofrecen contacontos virtuais, enlaces a recursos electrónicos, etc. Este ano non puidemos recopilar moitas das actividades que están a levar a cabo nas bibliotecas galegas pero sí temos algunhas. Deixamos aberto o blogue para incorporar máis eventos e convidámosvos a que no lo fagades saber.

Aproveitamos, tamén, para agradecer a tod@s bibliotecari@s que mediante teletraballo fan chegar aos nenos (e non tan nenos) recursos para entreterse, coñecer novos mundos e persoaxes a través da lectura, formase e informarse. Grazas!

O Día do Libro Infantil e Xuvenil é fomentado polo IBBY (International Board on Books for Young People) e levado aos distintos territorios polas organización do libro infantil e xuvenil. No caso Galego a actividade é fomentada por Gálix e cada ano o IBBY encárgalle o manifesto e a ilustración a unha das organizacións nacionais que forman parte da organización. Este ano a mensaxe é “Fame de palabras” e a a ilustración foron realizados pola organización eslovena: texto de Peter Svetina e ilustración de Damijan Stepancic. A traducción ao galego fíxoa Hector Cajaraville.

 

 

 

 

 

 

 

 

 

 

 

 

 

 

 

Gálix, a asociación galega do libro infantil e xuvenil, convocou o concurso “Un poema na túa voz” no que convida a participar a todas as rapazas e rapaces de entre 6 e 14 anos gravando un poema en galego e mandando a gravación á galix@galix.org

 

 

 

 

 

 

 

 

 

 

 

Actividades nas Bibliotecas Galegas para celebrar os días do libro do mes de abril (en construción):

 

A Coruña: Bibliotecas Muncipais

  •    Presentan no seu blogue Fancomic algunhas das máis recentes incorporacións para os máis pequenos.

Pontevedra. Biblioteca Pública Antonio Odriozola

  • Propoñen aos máis pequenos da casa que debuxen un personaxe do seu conto favorito e o envíen ao email: biblio.publica.pontevedra@xunta.gal

Redondela: Bibliotecas Municipais

  • Emitirase a mensaxe oficial do día dirixida a tódolos nenos do mundo escrita polo esloveno Peter Svetina.
  • Darase a coñecer os nomes dos mellores lectores infantís do ano 2019.
  •  Continuación da sección #quedanacasaele que se desenvolve dentro do programa matinal “A estación de Radio” no que o persoal das bibliotecas recomenda lecturas.

Salón do Libro Infantil e Xuvenil de Pontevedra

  • Este ano reconvertíuse en salón virtual. O día 2 pola tarde subirá un obradoiro de banda deseñada con “Fiz, o neno máis porco do mundo”

Santiago de Compostela: Biblioteca Pública Ánxel Casal

  • Sorpresa para os máis pequenos da man de Paco Nogueiras.

Vigo. Biblioteca Pública Juan Compañel

Curso: Preservación Dixital

Curso de Preservación Dixital

  • Impartido por Miquel Térmens Graells. Departamento de Biblioteconomía e Documentación da Universidade de Barcelona
  • Modalidade: On-line
  • Datas: 20 de abril a 17 de maio
  • Horas: 20h.
  • Prazas: 25
  • Prezo: Socios: gratuíto / Socios Fesabid: 50€ / Non socios 70€
  • Obxectivos: Introducir á preservación de recursos dixitais, sen importar a súa natureza: fotos, libros, documentos de arquivo, webs, tweets… Explicarase como xestionar desde a planificación de actuacións ailladas até a preparación de plans de preservación integrais.
  • Programa
  • Matrícula

Comunicado de Bamad Galicia ante a crise sanitaria producida polo COVID-19

COMUNICADO DE BAMAD GALICIA ANTE A CRISE SANITARIA PRODUCIDA POLO COVID-19

A Asociación de Profesionais dos Arquivos, Bibliotecas, Museos e Centros de Documentación de Galicia, BAMAD Galicia, ante a situación actual xerada pola crise sanitaria provocada polo COVID-19, e á vista da RESOLUCIÓN do 12 de marzo de 2020, da Secretaría Xeral Técnica da Consellería de Sanidade, pola que se lle dá publicidade ao Acordo do Consello da Xunta de Galicia, do 12 de marzo de 2020, polo que se adoptan as medidas preventivas en materia de saúde pública na Comunidade Autónoma de Galicia, como consecuencia da evolución da epidemia do coronavirus COVID-19, publicada no Diario Oficial de Galicia 49 BIS do xoves, 12 de marzo de 2020, https://www.xunta.gal/dog/Publicados/excepcional/2020/20200312/2255/AnuncioC3K1-120320-1_gl.html, facemos constar a nosa disconformidade coas directrices indicadas para as bibliotecas da Comunidade Autónoma Galega.

A resolución establece no Punto Primeiro: medidas preventivas, apartado d) Ensino universitario:

  • As bibliotecas universitarias poderán admitir alumnado ata un terzo da súa capacidade, co fin de posibilitar a separación dos usuarios e dificultar a transmisión do virus.

Así mesmo, no Punto Primeiro: medidas preventivas, apartado h) Equipamentos culturais indícase:

  • Suspéndese a apertura ao público de museos, arquivos e outros equipamentos culturais dependentes da Administración autonómica. No caso das bibliotecas, poderán permanecer abertas, limitando a súa capacidade ata un terzo do máximo permitido co fin de posibilitar a separación dos usuarios e dificultar a transmisión do virus. Así mesmo, recoméndase ás demais administracións titulares de equipamentos culturais a inmediata adopción de medidas semellantes.

De que maneira se establecerá o control para non superar o aforo dun terzo do máximo de capacidade das bibliotecas? Tendo en conta que o se establece o peche das ludotecas e espazos infantís, as bibliotecas permanecerán abertas pero pechando os espazos infantís? Descontarase do aforo máximo dos edificios a cantidade de persoas que poderían albergar os espazos infantís? Como distinguimos o servizo que temos que prestar por urxencia daquel servizo que pode esperar a recuperar a situación de normalidade?

Esta asociación considera que as directrices establecidas son canto menos confusas para os equipamentos culturais, mantendo uns centros pechados e outros con servizos limitados. Por outra banda, non entendemos que as autoridades establezan medidas de protección para todo os empregados públicos e manteña aos empregados públicos das bibliotecas universitarias e públicas en situación de risco ademais do posible perigo para as persoas usuarias. Polo que entendemos que as bibliotecas tamén deberían permanecer pechadas ao público nestes días.

Entendemos tamén que é imprescindible a dotación aos arquivos, bibliotecas e museos xestinados pola Xunta de Galicia de materiais hixiénicos e desinfectantes.

Pensamos que estas medidas axudarán a clarificar os protocolos de actuación e a que todo o persoal destes centros colabore da mellor maneira na resolución desta situación.

Na Coruña a 13 de marzo de 2020

 

Formación 2020

Arquivo

Calendario do Libro e da Lectura 2020

A %d blogueros les gusta esto: