Actuación de Bamad Galicia ante a crise provocada pola COVID-19
BAMAD GALICIA ante a crise sanitaria e social provocada pola COVID-19 ten realizado diferentes accións dirixidas ás institucións públicas para facilitar as medidas de seguridade e hixiene tanto para o persoal que traballa nos centros de información como para as e os usarios dos mesmos.
1) Comunicados e propostas de BAMAD
- O 13 de marzo emitimos o COMUNICADO DE BAMAD GALICIA ANTE A CRISE SANITARIA PRODUCIDA POLA COVID-19
Realizado pola improvisación e diferentes medidas que estaban tomando as diferentes administracións e entidades públicas.
- O 21 de marzo publicamos as PROPOSTAS DE BAMAD GALICIA ANTE A COVID-19 PARA BIBLIOTECAS, LIBRO E LECTURA
Medidas propostas que sirvan para que desde as bibliotecas se contribúa a minorizar o impacto económica que a crise vai provocar no sector do libro e da lectura. As propostas foron rexistradas tamén ante a Consellaría de Cultura.
- O 7 de maio publicamos BAMAD GALICIA ANTE A ABERTURA DOS CENTROS DE INFORMACIÓN NA DESESCALADA DA CRISE SANITARIA
Chamamento á calma para que as institucións establezan medidas progresivas e con seguridade e hixiene ante a abertura dos centros de información. Ademais inclúense os diferentes protocolos e propostas que varias entidades de Fesabid teñen realizado para a abertura dos centros.
2) Algúns dos comunicados foron divulgados polos medios de comunicación
3) Actuacións ante as administracións:
- Reclamación realizada ante o Concello de Cambados que pretendía abrir en Fase 0 con servizos non recomendados para esta fase como o estudo en sala (14/05/20)
- Reclamación realizada ante a Consellaría de Cultura da Xunta de Galicia pola improvisación, e falta de medidas de seguridade e hixiene tomadas, ante a abertura dos centros de información o 18 de maio (18/05/20)
- Reclamación realizada ante a Consellaría de Cultura da Xunta de Galicia pola eliminación da cuarentena nos documentos en arquivos e bibliotecas e para ofrecer a posibilidade de ofrecer que os centros interesados pudesen manter a cuarentena no programa de xestión (22/06/20)